المساعد الشخصي الرقمي

مشاهدة النسخة كاملة : سوبر ستار .. عفوا .. سوبر منشد (مهم جداً)


بدر بن محمد
10-08-2004, 11:20 PM
السلام عليكم ورحمة الله وبركاته

هذا الموضوع .. أنقله باختصار .. وبترتيب غير مخل ..وبتلوين ما أردتكم التركيز عليه !!
فقط لمن أباح .. ولمن أجاز .. ولمن يفهم المغزى منه !!
متأملة
****



http://www.samiyusuf.com/photo/t/17.jpg

http://www.samiyusuf.com/biog/sideimg.jpg
http://www.samiyusuf.com/photo/p/01.jpg

تفاصيييل حفلة سـامـى يـوسـف ... الله أكبر ... هيا معا ننشر فنه الراقى


السلام عليكم و رحمة الله و بركاته



إخوتى فى الله
بتهيألى معظمكم يعرف ان امبارح كانت حفلة سامى يوسف
بجد الحفلة كانت أكتر من رااااائعة
فقلت لازم أشارككم فى الأحداث بالتفصييييييييييييييييييل

احنا وصلنا على حوالى الساعة 6 و أبواب المسرح كانت المفروض هتفتح الساعة 7, بس المشكلة ان مفيش أرقام جلوس على التذاكر, يعنى مثلا هما محددين أماكن معينة ل 75 و أماكن ل 100 و أماكن ل150 بس مش محددين انت هتعض فين وسط الأماكن دى.
طبعا الناس كانت واقفة طوابييير و هجوووم غير طبيعى
بجد المنظر كان يفرح , و الناس كلها واقفة على الباب مستنية الدخووول
و كان فيه ناس من جميع الأنواع : ملتزمين جدا, ملتزمين نص نص, مش ملتزمين, مش ملتزمين خالص, و ده يأكد نجاح سامى انه يوصل دعوته لجميع الفئات .

و احنا واقفين على الباب كان فيه بوكيهات ورد كتير عمالة تدخل لسامى,
و بعدين جت واحدة منقبة معاها هدية و راحتت للراجل اللى واقف على الباب قلتيله انها عايزة تدى الهدية دى لسامى, قام جه ولد صغير لابس بدلة (بتهيألى واحد من قرايبه) , جه سألها هى عايزة ايه, قالتله ان الهدية دى من جمعية صناع الحياة فى القاهرة, الولد مبيفهمش عربى و سامى كمان , قالت له Life Malers , Mr. Amr Khaled فالولد أخدها و اديته جواب كمان معاه, أخدها و أخد الجواب و دخلهم لسامى و بعدين خرج قاللها شكرا and he's going to write back .

المهم فضلنا واقفين كده لغاية الساعة 7:30 و بعدين دخلنا, كان هجووووووم غير طبيعى ..
الناس فضلت تدخل لغاية الساعة 9 مع ان المفروض الحفلة كانت هتبدأ 8:15, بس كان فيه ناس كتير مش حجزه جت و قعدت تعيط عشان تدخل, فجبولهم كراسى زيادة و فيه ناس فضلت واقفة مقعدتش طول الحفلة ..

المهم و احنا قاعدين لاقينا بقى ميين جاى؟ ناس جامدة جداااااا :
الشيخ محمد جبريل
ياسمين الخيام
منى عبد الغنى
مصطفى محمود ( المنشد المصرى)
معاذ اللى بيعمل برنامج Parables of the Qur'an على قناة اقرأ
عمرو بتاع ياللا شباب
مذيعات كتير من ال Nile TV و القنوات المصرية
عماد أديب
و بعد شوية العازفين دخلوا و قعدوا
و بعدين عماد أديب طلع قدم سامى , و قال ان هو بينشد أناشيد صوفية (سامى اعترض على الحتة دى بعد كده)
و بعدين سامى دخل , و طبعا القاعة كانت بتترج من التسقيف

قعد على كرسى و عزف على العود و هو بيغنى أغنية Meditation من الشريط بتاعه ..
و بعدين قام يقول كلمة طبعا عن قد ايه هو مبسوط ان هو فى مصر , و بعدين قال ان هو بيغنى للاسلام عامة مش لفئة معينة (زى ما عماد أديب قال), و بعدين قال ان السبب ان هو اختار النوع ده من الغناء ان هو يوصل الاسلام و تعاليمه السمحة للناس اللى مش واصلها بالطرق الأخرى, قال بالظبط Another form of al da3wa , طبعا القاعة كلها ساعتها سقفت و صيحات الله أكبر .
و بعدين غنى "يا مصطفى" و كان متفاعل جدا معانا
قال I know that Egyptians are very lively people, I want u all to sing with me و الله it is ذكر
و كان قمة فى الاحترام و كل ما الجمهور يسقف جامد يبص فى الأرض و يقول "الحمد لله" عشان اخلاصه ميتزعزعش ..
و بعدين غنى أغنية جديدة مش موجودة فى الشريط .
(هو غنى حوالى 6 أغانى مش موجودين فى الشريط), غناها و هو قاعد بيعزف على البيانو , الأغنية عن فلسطين
و بعدين غنى أغنية " الله "
و بعدين أغنية تانية مش موجودة فى الشريط
هو غنى حوالى 7 أغانى فى الجزء الأول
و بعدين الاستراحة جت ..

و بعد كده رجع غنى طلع البدر علينا, بس مش هو اللى كان بيغنى, الكورال بيغنى و هو فى الحتة اللى المفروض يغنى فيها كان بيعزف على الكمنجا ..
و غنى أغنية عن الارهاب و قال ان الهدف من الأغنية دى To Show all the world that Islam is agianst Terrosism< and to show them how great this religion is
و بعدين غنى "لا اله الا الله" طبعا ساعتها كلنا سقفنا جاااااامد جداااااااا
و بعدين غنى أغنية تانية حلوة جدا مش موجودة فى الشريط, بس هى أكتر أغنية عجبتنى
My heart, My love, Palestine
They call you by a different name today but surely your name is one
و غنى كمان أغنية عبارة عن كلمة واحدة "يا الله", طول الأغنية بيقولها بس بطرق مختلفة, جمييييلة جدا

و بعدين قال لنا It was a nice evening , I was very honoured to meet you
طبعا القاعة كلها اعترضت و قعدنا نقولله استنا لأنه مكنش أصلا لسه غنى " المعلم"
فقال لنا I was just joking, of course I wasn't going to leave without singing " al mu'alim"
و غناها ..
و بعدين غنى أغنتين تانيين ..
و بعدين كان هيمشى, بس برده كلنا اعترضنا, قاللنا تحبوا أغنى ايه تانى ..
القاعة كلها فى صوت واحد "المعلم"
غنى المعلم تانى , ساعتها معاذ قام وقف و شاورلنا كلنا عشان نقف لسامى,
و كلنا وقفناله و هو ماشى و قعدنا نسقف جاااامد
و هو بقولنا "جزاكم الله خيرا"
Thank you for your generosity and your prayers
و بعدين مشى و الناس كلها وراه, و بعدين دخل تانى عشان يسلم على ياسمين الخيام و محمد جبريل و الناس الكبيرة اللى كانت قاعدة
هو طبعا مش عارف عربى قوى , كل اللى كلن بيقوله I'm really honoured جزاكم الله خيرا

و بعدين و هو ماشى جت بنت قالتله I want your number
بصيلها كده باستغراب و قاللها my number?? I'm not a pop star
و بعدين نزل على السلالم بتاعة الفندق و الناس كلها وراه

بجد كانت حفلة جمييييييييلة و كنت عايزو أشارككم معايا فيها
بجد ربنا يكرمه و يعز الإسلام بيه دايما,
مش قادرة أوصفلكم مشاعرى , بس بجد طول مافيه ناس كده يبقى الاسلام هيفضل بخيير
يا حماعة هو عمل اللى عليه, و استغل موهبته فى انه يعلى اسم الاسلام و يبين تعاليمه السمحة, الدور والباقى علينا احنا اللى لسه مقدمناش حاجة للدين العظيم ده
فهل من مشمر؟؟؟

الــــلــــه أكــــبــــر

****
الردود :


1- بتهيألى يا جماعة لازم كلنا نشكر أخونا سامى
نشكره على الفيديو كليب الرائع
نشكره على الشريط
نشكره على الحفلة
نشكره على نجاحه فى انه يوصل دعوة الاسلام للعالم كله و يرفع راس الاسلام .

2- جزاك الله كل خير
لقد دمعت عينى عندما قرأت كلامك...كنت أتمنى ان أكون هناك
لكن الظروف التى تعلمينها
الحمد لله
اللهم أعز الاسلام و انصر المسلمين

3- جزاكي الله خيرا علي هذا النقل الرائع لتفصيل الحفله و فعلا دي طلعة حلوة اوي و الاخ سامي يوسف رائع ايضا جزاه الله خيرا و انا شايف ان احنا لازم نعمله حاجه مفيدة كشكر لي
انا اقترح ان نأخذ أغانيه و ننشرها بين كل الناس و علي النت و في الايملات و المنتديات و هكذا علشان ننشر الفن الحلو ده و تفاصيل حفله اسلاميه رائعه
مستني رأيك ..

4- انا الشريط وصلى النهاردة
اكثر من رائع
و قلت لأصحابى و قاريبى على
و كلهم عايزينى اجبلهم واحد
و كمان تخيلى ان كل الأغانى بتعته معمولة رنات موبايل
و كمان قناة melodey بتعرض الأغنية
ما تفهمنيش غلط
ده انا واحدة صحبتى اتصلت بية و قالتلى اتفرج عليها
و بجد بجد كلنا حبناه
و كلمات الاغانى رائعة تخليكى تعيطى
و فعلا حبك لربنا و للرسول صلى الله عليه و سلم هيزيد اوى

5- كان نفسي اني احضرها والله لو تعرفي اللي عملته علشان احضر حتموتي من الضحك ,بس قدر الله وماشاء فعل المهم اني بوصفك ده حسيت اني شفت كل حاجة وربنا بجزيكي خير لان اكيد في زيي كتير ؟؟ لتمنى من الله ان يكون حد سجل الحفلة واتمنى لو الموقع يعمل كده زي ماعودنا وانت لو تعرفي حد وتقدرى تساهمى في اننا نشوفه كلنا يبقى ربنا يجازيكي بثواب هو عارفه

6- ايه رأيكم يا جماعة نعمل حملة لنشر فن سامـى يــوسـف
عايزين الناس كلها تتعرف على فنه
أنا عندى شوية اقتراحات:
1- أولا عن طريق النت ( المجموعات البريدية, الايميلات, المنتديات) نكتب عن الحفلة , ممكن تنقلوا الموضوع ده و تحطوه فى الايميل, و نكتب عن الشريط و ننشر الموقع بتاعه و كيفية شراء الشريط
2- لو حد بيعرف يعمل رنات يعملنا الأغانى بتاعته و كلنا نحطها على موبايلتنا
3- لو كل واحد فينا اشترى شريط زيادة و اداه لحد من أصحابه و صاحبه ده يديه لصاحبه و هكذا
4- ممكن نبعت مسجات على الموبايل
حد عنده اقتراحات تانى؟
لو حد يعرف موقع نازل عليه أانى سامى كلها (ال 8 أغانى) يا ريت يقولنا عليه

7- جزاكى الله خيراً
و إن شاء الله تكون هذه مجــرد بداية لنشر فن إسلامى راقى
وإستعمالـه فى الدعوة -كما ذكرتى- خاصة مع غير المسلمين

8- الامل كبير ان الفن يخدم الدين ويبقي كده بنخدم اسلامنا بالفن والدعوة اصبحت بالفن
ومعاكي في اقتراحتك للاعلان عن الشريط وربنا ييسر ان شاء الله وادور لكم علي موقع فيه كل الشريط

9- كنت اتمنى ان اكون احدى الحاضرين لكن ظروف وفاة جدى حالت دون ان اكون معكم ....والحمد لله على كل حال...
ولكن نقل متميز للحفلة ...وان كنا نرجو ان يكون هناك من سجلها فيديو ليشاهده من لم يحضر ...

10-يا جماعة يا ريت تبعتوا موضوع الحفلة ده لأكبرررررر عدد ممكن عشان الناس تشوف نموذج مشرررررف للحفلات الاسلامـيـة

11- قمت بنشر الموضوع ...ونشر النغمات ...وغيرت نغمة الموبايل بتاعى الى نغمة يامصطفى بتاعت سامى يوسف...

12- انا فلسطينية وباعتز انى فلسطينية,بس انا من اول ما قريت انه فى حفلة عندكم لسامى يوسف صرت بدى اعيط وحسدتكم كتير نيالكم بتقدروا تعملوا اى اشى
المهم معلش كله بيهون
انا هلاء بكتبلكم والطيارات فوق راسنا وبنستعد للاجتياح ادعولنا

13- شريط سامـى يـوسف نزل فى محلات الشرايط العادية كلها
الـلـه أكـــبـــر
يا رب يعزه كمان و كمان
ده معناه ان الشريط نجح و عليه اقبال جااااامد

14- 15- 16- 17 ... إلخ ..

***
واستمرت الردود التشجيعية تتوالى والصفحات تزيد ..
أقلام شباب وشابات تثني على الحفل وعلى المنشد السوبر ستار !!
حتى جاءت كلمة الحق صادحة من قلم إسلامي غيور من أذربيجان الإسلامية :
*****

الأخوات الفضليات
تحية من عند الله مباركة طيبة ..
فسلام الله عليكم ورحمته وبركاته ..
أما بعد ،
يا بنات الإسلام .. وبدون مقدمة طويلة ..
.. والله .. برغم مرضي الشديد .. فأنا أبحث عن كلمات تصف شعوري ..
ثلاث صفحات كلها بنات معجبات بالحفل والمغني !!

يا بنات الإسلام ..
هل هذه من وصايا و من تعاليم سيد المرسلين .. أبي وأبيكم وقدوتي وقدوتكن
هل فكرت واحدة منكن أن تعرض الموضوع على رسول الله (صلى الله عليه وسلم ) ؟
على زوجة من زوجاته ؟
على حفيد من أسباطه من أبناء فاطمة وعلي رضي الله عنهم أجمعين ؟
هل تظنون فعلا أن ماتفعلنه يصب في خدمة الإسلام ورفعة شأن هذه الأمة ؟؟

هل تسمحن لي بنقاش حول فقه الأولويات
وترتيب الأهمية للأنشطة والأحداث والاهتمامات ؟؟..
تبكين من أغنية ؟؟!!
تقفن ساعات طوال في انتظار المغني !!
ثم تجلسن مبهورات ..!!
وهناك من تهدية الورود والزهور وهناك من يشدها الشوق الجارف لمعرفة رقم هاتفه!!!

أين حمرة الخجل ؟؟
الخجل يابنات الإسلام ..
الخجل يابنات سمية أول شهيدة من أجل هذا الدين العظيم ..
يابنات عائشة الصديقة بنت الصديق .. التي ينزل بصورتها جبريل على سندس من جنة الرحمن
يابنات خديجة بنت خويلد ..
التي نصرت هذا الدين بمالها وشبابها وواست نبينا في كل ضراء
يابنات فاطمة بنت محمد .. ريحانة بيت النبوة ..
الخجل والحياء أهم مايميز المسلمة ..
بل إن رسولنا الكريم كان حياؤه صلى الله عليه وسلم أشد من العذراء في خدرها
الحياء ..

هل تسمحن لكهل ٍ مثلي أن يلقي على أسماعكم المرهفة كلمات ..
لعلها تعيدكن إلى رشدكن بعد ثلاث صفحات من المشاركات ..
لعله يكون لديكن استعداد بسيط (لإعادة النظر) في مثل هذه الأمور ..

سؤال ..
هل جال بخاطر واحدة منكن .. لو دعيت لمثل هذا الحفل أمكم خديجة بنت خويلد
هل تلبي ؟!! وتخرج من بيتها .. بعدما تلبس أفخر الثياب .. وتفوتها صلاة العشاء وتقف في طابور الانتظار وتتزاحم في الدخول لتحجز مكانها بين الحاضرات لتستمتع بتلك الأمسية الفنية !!

إنه مجرد سؤال دار بذهني .. فهل دار بذهنكن .. هل بحثتن عن إجابة له ؟!!
هل تتصور إحداكن .. أن مبلغ 50-100-150 وهو سعر التذاكر التي أعلنتن عنها .. تعيش عليه أسرة لمدة شهر كامل .. إن كفالة طفل من أيتام البوسنة تكلف 150 جنيها مصريا في الشهر !!

هل تسائلت .. أختي الكريمة .. كم يتيما من أبناء المسلمين .. لم نكفله ..؟

هناك إحصائية دولية تقول أنه بالأمس وكل يوم .. (مات) .. 28000 .. نعم ثمانية وعشرون الف طفل ماتوا بسبب الجوع على كوكب الأرض .. وطبعا أغلب هذا الرقم من نصيب بلادنا الإسلامية التي نبني نحن شباب وشابات صناع الحياة – نهضتها بإذن الله ّّ
هل تخيلت أختي الكريمة أن يقرصك الجوع .. ثم يزيدك إيلاماً .. ثم يعصرك عصراً .. ثم تخرج أنفاسك بصعوبة .. ثم يحتقن لونك .. ثم لاتجدي خلال أيام وأيام ما يسد رمقك .. حتى تذهب نفسك من الجوع .. هل تعلمن – أخواتي الفاضلات – أن هناك إحصائية رسمية تشير إلى وجود ثلاثة ملايين طفل شوارع في بلدنا مصر الحبيبة ..

لقد حاولت أن أتصور نفسي أسير بشوارع القاهرة مع زوجتي ، وإذا بها تقول لي :
زوجي العزيز هل تسمح لي بخمسين جنيهاً أشتري بها باقة زهور وأضع عليه بطاقة رقيقة معطرة وأكتب عليها كلمات تعبر عن إعجابي بالفنان المغني ؟!!!!!
تصورت زوجتى .. تطلب مني (تمويل) ذلك التعبير عن إعجابها برجل آخر !!
أرجو منكن جميعاً .. أن تتصورن ردة فعل رجل عادي ..
رجل مسلم عادي .. لكنه رجل .. رجل بمعنى الكلمة ..
رجل يحمل هموم هذا الدين .. إن الله يغار يابنات المسلمين .. فكيف لايغار عليكن الآباء والامهات والاخوة .. ألم يكن في البيت أخ أكبر ينصح .. أب يقوم ببذر الوعي بما يجوز وما لايجوز .. أمُ تسهر على بث معاني الحياء في نفسك الشفافة ..

أختي الفاضلة ..
هل دمعت عيناك من كتاب الله مرة ..
دمعة واحدة في جوف الليل بينك وبين خالقك .. تنجيك من النار .. تلك التي لو جيء بأنعم أهل الأرض وغمس فيها غمسة واحدة لقال : وعزتك وجلالك مارأيت في حياتي سعادة قط .. من هول حميمها وزقوها ولفح لهيبها وقسوة كلاليبها ..
وفي هذا القرآن العظيم .. هلا تذكرنا سوياً موقف لنبي الله موسى .. ذلك النبي الغيور !!! القوي .. الرجل .. إنه لما رأى جماعة الرعاة يسقون دوابهم .. لاحظ أن هناك من دونهما إمرتان تزودان .. فقام وسارع .. تدفعه النخوة .. ليسألهما عن حاجتهما ويقضيها لهما .. حتى يعفيهن من تدافع وتزاحم مع الرجال.. أو البقاء في المكان تتفحصهن عيون الرجال جيئة وذهابا .. وهن يؤدين عمل شريف ليس منه بٌد ( وأبونا شيخ كبير) فليس لهن أخ يقوم بمثل هذا العمل .. لكن نبي الله .. يرسل لك رسالة .. أختي الفاضلة .. الحياء ..

ولنا أن نتخيل تلك الأمسية الجميلة .. نبينا الهادي يجلس في صدر مجلس فسيح حول ظلال الكعبة ، وعلى يمينه صديق هذه الأمة سيدي أبو بكر ، وعلى يساره أمين هذه الأمة أبا عبيدة ابن الجراح وبجانبة سعد بن معاذ وفي مقابلهم الفاروق عمر بن الخطاب ومعه من تستحي منه الملائكة ، سيدي عثمان بن عفان ، وبجواره أبا الحسنين ، الامام علي بن أبي طالب ..

هذا الجمع الكريم ، في أمسية (ثقافية فنية !!) في رحاب بيت الله العتيق .. وبين أيديهم يقف (فنان) لايهم اسمه .. ومعه فرقة موسيقية بملابس الاحرام .. وكل من ذكرت من (الرجال) قد أحضر أمه وزوجته وبنته وأطفاله وجيرانه .. وجمعوا بعض المال لهذا المغني ليستمتعوا بفنه !!!!

هل مر على إحداكن مثل هذا الموقف في كتب السيرة ؟
هل قرأتن عنه في كتاب من كتب الله المنزلة على أنبيائة من لدن صحف ابراهيم وموسى ثم زابور داود وإنجيل عيسى بن مريم وانتهاءً بقرآن رب العالمين.

مريم ابنة عمران يابنات .. تلك البتول التي جعل الله في قرآنه الكريم سورة باسمها تحكي قصتها
لتكون لنا نبراس نهتدي به ..
يقول رب العزة في سورة النجم في محكم التنزيل :
(( أزفت الآزفة .. ليس لها من دون الله كاشفة
أفمن هذا الحديث تعجبون ..
وتضحكون ولا تبكون ..
وأنتم سامدون ..
فاسجدوا لله واعبدوا ))

فلو رأيتن .. أن تقرأن تفسير تلك الآية في كتب التفسير.. فلكن جزيل الشكر
وقد يقول قائل .. فعلنا الكثير من الخير .. فمن حقنا بعض (الترويح عن النفس)
وهذا والله حق طبيعي .. لايجادل فيه أحد
يقول رب العالمين ( قل من حرم زينة الله التي أخرج لعباده .. والطيبات من الرزق)
ولكن لي في ذلك تعقيب بسيط ..
لعلك تلاحظين – أختي الفاضلة – أن الإسلام يبث في أتباعه العقل والوعي على مدار أحكامه .. فالمسلم إنسان جاد .. ذو رسالة وصاحب مهمة جليلة .. وكل متجول في آيات كتاب ربنا الكريم .. يلاحظ ذلك النوع من الحض والترغيب في إعمال العقل .. وهنا يبرز سؤال .. هل نلهو لمجرد اللهو .. هل نلهو لتضييع الأوقات .. أم نلهو لننفع أنفسنا في الدنيا والآخرة .. مثلما نمارس رياضة تقوي الأبدان وتساعد العقول .. فعندها نؤجر على أوقات اللهو تلك .. فهو لهو مطلوب حتى نستفيد من أوقات الفراغ .. بل له ثواب عند رب العالمين يوم نلقاه ..

مع ملاحظة .. أن رب العزة يخاطب نبي الإنسانية منبهاً ( فإذا فرغت .. فانصب ) أي متى انتهيت من أعمالك الدنيوية الهامة .. فانصب في طاعة الله لتقترب منه أكثر (واسجد واقترب) فإنه (لا يزال عبدي يتقرب إلي بالنوافل حتى أحبه) ..
يارب العالمين ما أرحمك .. تحبه ..
نعم والله ..
فربنا يحب ويكره ..
(يحب التوابين ويحب المتطهرين) ويحب (من تقرب الي شبراً تقربت اليه ذراعا)
وتلك الطاعة –بعد الفرائض- قد تكون : درس علم ، مناقشة مفيدة مع صحبة صالحة ، تزاور في الله ، عيادة مريض، صلة رحم ، تأليف علم ينتفع به ..
وغيرها من الأنشطة الايجابية.
كل هذا .. إذا تركت لك الواجبات وقتاً للفراغ ..

لكن أن يكون لديك وقت فراغ في يوم واحد يمتد من السابعة وحتى منتصف الليل مثلا .. فهذا يحتاج مراجعة لجدولك أعمالك اليومي .. كم ساعة تنفقينها لتقربك إلى هدفك وغايتك .. الجنة ..

نعم الجنة .. وهل لدينا جميعا غيرها هدفاً وغاية ..
طيبة وطيبُ ريحها .. ملاطها المسك الأزفر ..
حصبائها اللؤلو والياقوت .. سقفها عرش الرحمن
أنهارها العسل واللبن والكوثر .. لا يفنى شبابنا فيها .. ولاتبلى ثيابنا ..

فيها نرى وجه ربنا .. ويحاضرنا ربنا محاضرة خاصة لكل منا ..
الجنة يابنات الاسلام .. مالنا زهدنا فيها .. وضيعنا أوقاتنا ..
هل ياترى ..
لو عن لخطيب مسجد مجاور ، أن يخطب يوم الجمعة على المنبر بالناس من وقت الظهيرة ولمدة ثلاثة ساعات متصلة .. هل يتواني أحد من سكان الحي عن نعته بانعدام الوعي والفقه .. وهو يخطب في الناس بذكر الله والأمر بالمعروف وبآيات القرآن ..
فما قولكن في جمهور .. أنصت لأقل من هذا شأنا لساعات أطول من هذا عددا ..
وكأني أسمع من يقول .. أن هذا سبيل لنشر الإسلام بين الآخرين ليعلموا أننا نشجع الفن
نشر الاسلام .. أي نشر .. وأي إسلام
هذا الصحابي التاجر .. الذي ترك بلده وأهلة وذهب متاجراً في أقاصي آسيا أو مجاهل إفريقيا .. ماذا فعل لنشر الدين .. لم يفعل سوى أنه طبق هذا الدين فكان عنواناً له .. كان مثالا في نظافة ثوبة وأدب حديثة وأمانة بيعه .. كان يدل المشتري على عيب البضاعه قبل محاسنها ..لا يغش .. لايكذب .. لاينافق ..يرفق بالفقير والمعدم ..يخاطب الجميع بما يفهمونه .. لم يكن (مغني) لينشر الدين ..

إسلامنا سيعم الأرض ما التزمنا به وطبقناه واقعاً معاشاً في بيوتنا ودولنا أولا ..
لقد أسلم فيما مضى آلاف البشر بعدما عرفوا وشاهدوا عظمة هذا الدين من سلوك أبي بكر .. من خصال عثمان ، من فعال علي ، من عدل عمر ، من تلاحم المسلمين كالبنيان في صلاتهم وتوادهم وتراحمهم.. انتشر لما كان له قوة وهيبة ومنعه ..
انتشر لما سدنا الأمم بالعلم والاختراع والخلق والرحمة..
لم يقل قائل أن الدين سينتشر بنغمة جوال جديدة .. أو بقصيدة تم تلحينها بعناية
أختم حديثي .. وأعتذر لتلك الإطالة ..
بتوجيه الشكر لكن على هذا الحماس العظيم – الذي لو صادف توجيهاً- لكان لهذا الدين شأن آخر في حياة البشرية اليوم ..
*****

ولكن ... ترى ..
هل أثر كلام هذا القلم فيهم !!؟؟
لقد تتابعت الردود تثني وتسجل إعجابها بالسوبر منشد !!
فهل يصلح العطار ما أفسده الدهر ؟
سؤالي لكم هو :
ما الرابط بين هذا الموضوع .. وهذا الموضوع :

صاحب الفطنة فقط .. سيعرف الجواب ..

رأي متأملة .. غير ملزم بالأخذ به ...

_______
مصدر الحوارات من موقع عمرو خالد

Musleem
10-09-2004, 02:33 AM
اوووووووووووووووف الموضوع طويل جدا

احذفه ولا لأ

انا ما ادري منو هذا سامي يوسف
وما ادري شو يريد من الآخر

بس ما اقدر اقول غير

الاعلام يرفع ويظهر من يريد ..



ساعود عندما اتفرغ لقراءة هذا الموضوع <<< ورتطنا يا بدر